Nirma powder kaise ho gayi fail in hindi

Aap logo ko nirma washing powder ka pata hi hoga. Lekin apne ye socha hai ki aaj kal nirma kaha gya. Itna jyada kyu nahi chal raha hai jitni ki yah pahle chala karti thi. Har ghar ki pasand hua karti thi nirma lekin aaj kal uski jagah kisi aur ne le li hai. Apa dekhenge ki aaj kal nirma ka use bahot kam gharo me ho raha hai. Nirma powder kaise ho gayi fail Ye sab kaise hua aaj mai apko is lekh me bataunga aur inki galtiyo se kya sikhna chahiye, un galtiyon se kaise bachna hai aur apne business kaise grow karna hai. To apka jayada samay na lete hue aate siddha mudde par.

Nirma powder ka janam: –

Nirma powder name bana nirupma se aur ye unki beti ka name tha. Iski shuruaat karshanbhai patel ne ki ye aur ye ek chemist hai. Inhone experiment karte karte detergent powder bana diya wahi se nirma ne janam liya. Lekin us samay sabhi log surf excel ka istemaal jyada karte the.

Marketing:-

Inhone kuch aisa dimag lagaya ki 1988 me bharat me sabhi ke juban pe sirf ek hi name hua karna tha nirma. Nirma ke pas 60% market share the. Ab ye baat apke dimag me bhi aarhi hogi ki nirma ne itna kuch itne kam time me kaise kar liya.

Jab karshanbhai dukan pe jaake nirma ko bechne ke liye bolte. To dukan wale saaf mana kar dete the kuki unke pas pahle hi surf excel tha aur aur ye logo ki demand bhi thi. To unhone dusra tarika apnaya Surf excel ki kimat 15 rupay thi ab apko ye lagega ki sirf 15 rupay itna sasta, lekin 1969 me 15 rupay ka surf har koi nahi le sakta tha. Apko pta hai 15 wala surf excel us time amir log hi kharidte the. 90% gharo me sabun ki tikkiya use ki jaati thi.

Isliye nirma ne is baat ka fayda uthaya aaur nirma ki kimat only 3 rupay rakh diya. Inhone office jaate time raste me aane gharo me ja kar surf becha. Ab surf excel itna sast nahi kar sakta tha khud ko. Kuki us time ye ek premium product tha.

Karshanbhai ke ye sabhi tarike kaam to aaye lekin inke samne ek aur musibat agyi. Hua ye ki phutakar vikreta nirma ko samay par unke paise nahi de rahe the. Agar nirma ko 2 3 mahine aur bhi paise nahi milte to nirma divaaliya ho jaati. To karshanbhai ne ek naya tarika banaya.

Supply scarce strategy: –

Ab dekhiye aamtaur hota ye hai ki jab product ki demand badhti hai. To product ki kimat badh jaati hai par unhone kiya ye ki apne saare product wapas bulwa liya. Fir nirma ne TV me ek vigyapan nikala jo ap sabhi ko pta hi hoga”nirma washing powder nirma, doodh si safedi nirma se aayi, rangin kapda bhi khil khil jaye NIRMA.” Is campaign ko logo ne itna pasand kiya ki raato raat sabke dimag me nirma ghus gya. Sabhi logo ko nirma hi chahiye tha.

Lekin nirma to tha hi nahi market me kisi ke pas. Jab ye baat phutkar vikreta ne aage batai to karshan bhai patel ne in logo ke sath meeting rakhi. Karshanbhai ne ye shart  rakhi ki unhe case chahiye uske baad hi maal milega aur sauda pakka ho gya.

Dekhte hi dekhte nirma ko bharat me sahi log istemal karne lage. Surf excel ko koi puch hi nahi raha tha. Nirma itna jyada bikne laga ki 2009 me karshanbhai 92th richest person ban gye the. Fir aisa kya hua ki nirma ko jyada log nahi puchte hai.

Market dynamic environment: –

2010 se market me bahot se badlao aaye hai. Logo ke product kharidne ka tarika bhi change hua hai. Bharat me log status pe jyada dhyan dete hai. Isi karan se nirma ko bahot nuksan hua. Kuki nirma bahot sasta tha aur unki packing quality bhi sasti thi. Isliye logo ne nirma ka istemaal kar diya. Inhone apne kisi bhi chij me navaachaar (innovation) nahi tha. Jo tha jaisa tha wahi chala aa raha  tha aur log Dheere Dheere nirma ko bhulte gye.

Lead: –

Ek samay tha jab nirma market ko lead kar rahi thi aaj ke din 60% market share se siddha 6% pe agya. Sath hi sath inhone aur bhi vyapaar me apna paisa lagaya. Agar ye ek hi vyapaar pe dhyan dete to aaj aisa nahi hota. Galat nahi ye lekin inhe nirma ko bhi dekhte hue chalna tha. ab apko pata lag gya hoga Nirma powder kaise ho gyi fail.

Lesson: –

  • Koi bhi kaam chota nahi hota: -Karshan bhai patel ne shuru me khud se apne saman ko cycle pe ghar ja jakar becha.
  • Khamiyo ko thik karna: – kya apko pta hai ki har ek udyog me kahi na khi ek galti ya kami rahti hai bas usi point ko hame notice karna hota hai. Jis din apne wo khamiya pakad li to apki jindagi badal sakti hai.
  • Nirantar sudhaar kee: – hame apne vyapaar ko chalane ke liye nirantar sudhar karte rahna chahiye. Market ko kis chij ki jarurat hai use dekhte hue apna product banwana chahiye. Product ke sath apne ander apne logo ke ander bhi badlao karna bahot jaruri rahta hai warna hum piche ho jaate hai.

comment karke jarur batana hamara ye article kaisa laga apko. maggi ki case study kaise maggi bana raja – padhe.

10 Comments

  1. There are some fascinating points in time on this article but I don’t know if I see all of them center to heart. There’s some validity but I will take maintain opinion until I look into it further. Good article , thanks and we would like more! Added to FeedBurner as properly

Leave a Reply

Your email address will not be published.