Royal Enfield bankrupt hone se bachi in hindi

Ap sabhi ko Royal Enfield ke baare me pta hi hoga. Iske baare me kuch batane ki jarurat to hai hani. Lekin aaj mai apke liye iski case study laya huu jo ki bahot hi majedaar hai. Royal enfield Bankrupt se kisne bachaya. Kaise ye bani desh ki dhadkan aur hum is se kya sikh sakte hai. In sab ke baare me mai apko is lekh (article) me bataunga.

History of Royal Enfield

Royal Enfield ek british company thi. Yah company 1891 me shuru hui. Albert eddie aur Robert smith in 2 dosto ne mil ke iski shuruat ki thi. Shuru me ye dono niddle banana ki company kholi thi. Is company ka name eddie manufacturing hua karta tha. Inka kaam bahot hi acha chal raha tha. Kuch dino ke baad is company ko cycle banana ka kaam mil jata royal arms ki taraf se. inhone us cyle ka name royal Enfield rakha tha. Ye sirf cycle banaya karte the aur bahot se logo ko pasand aati thi.

Royal Enfield Born

Inhone socha ki kyu na cylcle me motor laga diya jaye. Jab jaake 1901 me pahli baar royal Enfield bike ko banaya gya. Lekin is bike ka use army ke dwara kiya jata tha. Kuki ye bike bahot hi strong hua krti thi. 1932 me inhone bullet name ki bike launch kiya. Aur launch karte hi bike bahot hi jyada matra me bikne lagi. Fr jaise hi world war khatam hua bike ki demand kam ho gyi. Waha se company ko loss hona shuru hua. 1949 me india me rahne wale madras ke K.R. sundram ne is company ko kharid liya. Lekin yah ek nuksan wala deal tha. Kuch saal inhone is company ko chalaya.

Royal Enfield Reborn

Kuch dino ke baad eicher motors ne isko kharid liya. Aur ye company eicher motors se bhi nahi chal pa rahi thi. Karib 5-6 saal baad isko band karne ki naubat agyi thi. Tabhi Siddharth lal ji ne apne papa Vikram lal ji se ek akhiri chance manga. Aur aaj ap sabhi ko pta hi hai compny ki value kya hai. Majedaar baat to ye ki ab mai apko bataunga ki unhone kaise bachaya royal enfield bankrupt hone se. chaliye jaante hai Siddharth lal ji ki busness strategy ko.

Living like customers

Siddharth lal ji ne bahot hi bada jimma apne upar le liya tha. Tab inhone sabse pahle ye janne ki kosis kiya ki is bike me kami kya hai. Jiske wajh se yah bike bik nahi rahi hai. Inhone faisla liya ki ab inhe buyers ki tarah life jeena hoga jab hi jaake pta lagega ki bike me kami kya hai. Sab kuch ache se janne ke liye ye khud hi ek bike ko leke mountain pe chale gae. Jab leke gae to inhe product ke ander bahot si akmiyo ka pta chala jispe pahle kabhi dhyan hi nahi diya tha.

Jaise ki ap sabhi ko pta hoga ki bike ke kick kaise hote the. Us time bike ke kick bounce back karte to kisi ka bhi leg toot jaaye. Fr iske baad uski gear samasya hoti. Agar apko asia lagta hai ki bike ki kimat jyada hone ki wajh se wo nahi bikti to ye galat hai uski maintenance bahot mahngi thi. Kabhi uske engine me problem aati thi kabhi pipe leakage me. Siddharth lal ne in kamiyo ko dekha aur team ko bola ki in sabhi kamiyo ko duur kare.

Behavioral Design

Siddharth ne logo ke dil aur dimag me royal enfield ko tourist bike bana diya. Royal enfield daily purpose bike nahi hai. Isliye ye bike itn nahi bikti thi. Siddharth ne ye sab ek dum se kaise badal diya. Is baat ka jawab “The biggest fear people have, is the fear of losing self-esteem” ab ye janiye ki aisa kyu bola hai. Hum logo ka dimag aise design hai. Ki jab baat self-esteem ki hoti hai to hum me se koi bhi usko kam nahi hone dena chahta hai. Royal enfield ne iska use kaise kiya “bhaavanaen hamesha product se mahngi bikti hai” royal enfield ek bike nahi ye ek emotion hai.

Aur ye inhone kaise kiya? Sabse pahle to ye royal enfield ka brand ambassador ban gae. Fir inhone ek hi message sabko diya “Be the change” aur ye baat logo ke self-esteem se connect ho gyi. Apko bhi aisa lagta hoga ki royal enfield chalane wale log baki logo se alag hote hai. Ye yahi nahi ruke isko aur bhi bechne ke liye inhone adventure trip bhi karwaya. Goa me inhone apna club bhi banaya hai. Aisa karne se inke real fan base banne lage. Royal enfield ne ek community bana li. Aur jo log ye bike chalate hai unka ek hi manna hai “Enfield is a symbol of pride”

Business lesson

  • Aisa product na beche jo aap use nahi kar sakte hai. Jab aap apna product khus use nahi karte hai to apko pta nahi chalta hai ki product me kya kami hai kya thik karna chahiye. Siddharth ne bhi aisa hi kiya tha phle unhone khud use kiya or buyers ki problems ko samjha.
  • Hame apna product bechne ke liye logo ko nahi unke belief system ko change karna chahiye. Log apke bolne se kabhi nahi badalte hai. Logo ke ander apke brand ko leke jo chhavi (Image) hai usko badlane ko sochiye.
  • Last point bahot hi acha hai aur kaam ka hai. Jab aap apne kaam se focus hata dete hai to aap apne customers ko khona shuru kar dete hai. Saal 2000 me eicher motor lagbhag 15 company ko chalata tha. Siddharth ke CEO banne ke baad unhone 13 company ko bech diya. Sirf 2 company pe focus kiya Royal Enfield aur Eicher. akhir inhone Royal Enfield bankrupt hone se bacha liya.

Is article ko pura padhne ke liye bahot bahot dhanyawaad. Mujhe asha hai ki apko hamara ye article behad acha laga hoga. Agar acha laga ho to apne dosto ko bhi jarur se jarur share kare or niche comment karke bataye apko aur kis baare me janna hai. Maggie kaise bani bharat ki pasand case study padhiye.

3 Comments

Leave a Reply

Your email address will not be published.